Mongolbar salo, Anti Narcotics Task Force (ANTF), Special Operation Team (SOT) baksana Excise aro Forest department-ni official-rang, Hima Sohiong-ni ning•o donggipa Laitlulong songo ganja bagan dakenggiparangko nisie galaha.

Ia ganja baganrangko nisie galanio Shillong aro Sohiong-ni police-rangko man•chape sak 120-na baten sipairang bak ra•angaha aro sipairang, ganja bagan dakenggipa nok ge•antionan re•ange, ganja pangrangko nisie galaha.

Ia jolrango songdongenggipa manderang, me•su samjak aro bolam biterangko ge•ani pal, ganjarangko ge•e bading chiwaltokengani gimin official-rang, suk ong•gijaniko paraktokaha.

Ia jolrango skangonin ganjarangko ge•e, Shillong aro a•dokni dingtang dingtang biaprangona watatskaengachim.

See Full Page