Sonibar salo, Arunachal Pradesh a·dokni Deputy Chief Minister Chowna Mein, feet 100 ong·e chugipa a·songni nisanko, Anjaw a·jani Kibithu circle ning·o donggipa Barakundan-o songdoe on·aha.

Ia feet 100 ong·gipa a·songni nisanko songaniara Arunachal Pradesh a·dokni manderangna gisik ra·beani sal ong·gen ine janapatengon, ia nisanko songaniara Arunachal Pradesh a·dokni simarangoba ta·rakbate namroro silroroaniko ra·bana sorkarini on·kanganiko mesokani ong·enga ine Mein aganaha.

Ia nisanko songaniara Walong Day-ko maniani baksa apsan ong·aha ine janapatskaengon, ian chang 63-gipa Walong Day-ko maniani ong·enga maina 1962 bilsio India aro China a·song, ia biapon dakgrikahani gimin ia biapara Arunachal-ni manderangna namen dingtangmanchagipa ong·a ine Mein aganaha.

See Full Page