Warao jisaka Loa a isía kobenajoro dibunae, materone

Warao Emerenciana Martínez cocina jisaka obonoya, tiakuaresike, Paloma a CDI eku Loa Tamaronis saba karata nonae, takore, tai ekidaja tanae. Amajakotai tai tida mekoro, Elisa Arrieta sike jatanae, tai muae dijana.

Takore tatukamo, yaja kuarika jakanae dijana, cocina wakayaja. Taikuare Tane tanae yata naruae tamaja dibu abakitane.

Martínez dibuyajakotai, sanerawitu. Amawitu La Playita yata ja. Najoro jisabakitane, awajabara dauwaja saba narukitane ja, takore, naja are eboya o nakaya (iji dibuya munuka).

Tai cocina obonoya, sanera, toatane kuarika dibuya. Tai a teléfono a noara: 04264233240. Anuncios Visitas: 1828

See Full Page