Greater Shillong Water Supply Scheme (GSWSS-III) project-ko re·baenggipa bilsini March ja-oni chalaina ka·dongsoenga, aro da·ona kingking 70% kamrangko matchotaha ine Mongolbar salo, Public Health Engineering (PHE) Minister Marcuise N Marak parakataha.

A·ani bidingo neng·nikanirang dongani a·sel New Shillong Water Supply Scheme-ko chalaiani ja·manchakenga indiba ia neng·nikanirangko da·ode namatna man·aha ine Marak aganaha.

Pilak tarisona nanganirang matchotman·aha aro kam ka·ani somoirang sokahaon, iarangko rikani kamrangko chu·gimik a·bachengatnasienga ineba ua agandapaha.

See Full Page