Dingtang dingtang dolrang GHADC-ni obostarangni aro Tura Medical College-na Public-Private Partnership (PPP) mode-ko ra·gatani bidingo walgnina garirangni re·ruraaniko champenganiko ong·atenba Mongolbar pringo matchotangaha. Iarangko dakengon, gnigipa walo Tura songjinmani adita biaprango gari chakkarangko so·anirangko nikna man·aha.

Skanggipa walo mamung dal·a obosta gri re·atna man·aha, aro biap damsa damgniosan ong·gija dakgipa manderang gari chakkarangko so·aha.

Gnigipa walode, bang·a biaprang jekai Chitoktak, Hawakhana, Dareng Agal aro Rongram-o gari chakkarangko so·anirangko dakaha.

Garirangni re·ruraaniko champenganirangko dakengon, West Garo Hills Police mikrake dongaha aro re·roroe nirokna aro walgimik dongtimna bang·a police dolrangko dingtang dingtang biaprango donaha.

Tura

See Full Page