Sukrobar attamo Ri Bhoi a·jani Thadrang songo ro·ong chonchongiparangko salangenggipa dumper truck bolsa sakbri bi·sarangko saldapanichi uamang sakbrian janggi galaha.

Attamni 6 bajimango, ua truck (ML-05-AC-8447) Jowai-oni Ri Bhoi-ona re·angmitingo soroko re·angenggipa bi·sarangko nangaha. Truck-ko salenggipa ta·rakprete re·baenba gari-ko namedake salna man·jaha ine mikrontangchi nikgiparang aganaha.

Bilsi 19 ong·gipa, bilsi 13 ong·gipa aro bilsi 11 ong·gipa me·chik bi·sarang sakgittam ua biapon siaha. Sakgipin bilsi 13 ong·gipa me·chik bi·sa namen saknaako man·aha, uandake uko hospitalchi rimangahaoba da·al pringo ua janggi galaha.

Police-rang truck-ko salgipa mandeko rim·aha aro am·sandianirangko dakangkuna inenba truck-ko Mawlasnai Police Outpost-ona ra·ange donaha.

See Full Page