Meghalaya Police, Md. Hekmot Ali aro Md. Ariful Ali-ko gong lakh 12.5 tangkarang baksa Mongolbar pringo rim·aha.

Shillong-oni Guwahati-ona songrebaenggipa AS-01-FN-2132 registration number donggipa Maruti Swift-ko police dolrangni salantio nirokjringaniko dakani bak gita dongdipate nianiko dakon gari ning·o sakgni manderang dongachim, indake am·sandianiko dakanio uamangni jolonggaoniko tangkarangko man·aha ine Ri-Bhoi a·jani SP V Rathore u·iataha.

Ia rim·a man·gipa sakgni manderangko uamangni gari baksa sing·sandianirangko dakna police station-ona rimangaha. Police dolrang ia tangkarangko banoniko ra·baa aro ian maiba niam pe·ani kamrang baksa bak nanggipa ong·ama ong·ja uarangko name nianiko dakenga.

See Full Page