A saúde mental na USC: máis de 500 estudantes recibiron terapia dende a pandemia

Mellorar e traballar a favor do benestar psicolóxico do alumnado é o principal obxectivo da Unidade de Atención Psicolóxica da USC, creada no mes de maio de 2021, nun contexto marcado pola situación de fatiga pandémica. A Unidade, ubicada no Pavillón Estudantil, na rúa de Lope Gómez de Marzoa do Campus Sur, atendeu ata o pasado mes de novembro a un total de 520 estudantes nun total de 3.823 sesións. A maiores, recibiron asesoramento 291 estudantes. As peticións de intervención sitúanse nas 1.480.