Bilsianti ong·atrongbaenga gita chang 42-gipa State Meghalaya Table Tennis Championship-ko Tura-ni Indoor Stadium-o October jani 14 tariko a·bachengataha. Tura Table Tennis Association, Meghalaya Table Tennis Association-ni dakchakaniko man·e ia kal·susaaniko October jani 14 tarikoni 18 tarikona chong·motan sal 5-na ong·atanggen. Ia kal·susaanio dingtang dingtang category-rango susaaniko dakna Shillong, Nongstoin, Jowai, Baghmara aro Tura-ni sak 100-na bate kal·susagiparang bakko ra·na sokbatokaha.

Veteran category-o kal·susagiparang chu·ongjani a·sel uamangni kal·susaaniko dontongatna nangao ga·akaha. Ia kal·susaaniko a·bachengatani salo, Baghmara-o ia bilsini tournament-ko ong·atanio sianggipa Chinovn G momin-ko gisik ra·e mande ra·ani bak gita minute 2-na jrip donganikoba dakangaha.

See Full Page