National People’s Party (NPP) dilgipa aro Deputy Chief Minister Sniawbhalang Dhar, North East Regional Front chong·motan salgro salaram jolna ku·rangko on·a miksonganio ia ge·sangipa political dolko bikotanio uamangni symbol ‘Ki·tap’ maming saloba dingtangjawa ine aganaha.

Kobor ra·timgiparang baksa agangrikengon, uamangni symbol ‘Ki·tap’-ko dingtangatjawa, gipinrang jajaenganaba gnang indiba uamangni Party maming saloba jajawa aro da·o dipet North Eastern Democratic Alliance (NEDA) baksa bakrimangkugen ine Dhar aganaha.

Rajya Sabha MP seat-ni gimin janapengon, da·o ong·enggipa MP-ko uamang mande ra·a aro da·o dipet uamangni gisepo dingtangatna mangsonganirang dongja ineba Dhar parakataha.

See Full Page