Sonibar salo, Tripura Sepahijala a·jani Sonamura Police Station-ni ning·o donggipa Dhanirampur ADC jolniko jinma am·sandianiko dakataha. Ia am·sandianiko dakanio official-rang niamgri bagan dakenggipa dam 38 cannabis baganrangko nosto ka·e galenba, acre 45 mangni gita buringni a·ao donggipa pang 2,25,000 ganja pangrangko nisie galna man·aha.

Sonamura Police baksana Deepak, Dhanpur, BC Nagar, Batalav, Matinagar aro Anandpur outpost-rangoni 81 Battalion BSF dolrang, Sonamura aro Boxanagar-ni Forest official-rang, TSR Unit-rang, sak 35 Assam Rifle dolrang aro gipin dolrangni dongpaanio ia am·sandianiko dakangaha. Ku·cholsan ong·e kamko ka·anichi uamang anti-drug mission-ko chu·sokatna man·aha.

See Full Page